ორლანდო ბლუმი “კარიბის ზღვის მეკობრეებში” ბრუნდება?

სულ სხვაა “კარიბის ზღვის მეკობრეები”კირა ნაიტლისა და ორლანდო ბლუმთან ერთად! მას შემდეგ, რაც მთავარი ამბები ჯეკ ბეღურას ირგვლივ განვითარდა, მაყურებელს, ცოტა არ იყოს, იმედები გაუცრუვდა და ბევრი მათგანი აღნიშნავდა, რომ ჯონი დეპის პერსონაჟს გაცილებით უფრო მეტად უხდება თავისი “დანიშნულება” სურათის პირველ სამ ნაწილში. სწორედ ბოლო ეპიზოდებიდან გამომდინარე, ბევრი გულშემატკივარი ეჭვის თვალით უყურებდა ახალ “კარიბის ზღვის მეკობრეებს”, რომლის გადაღებებიც სულ მალე ავსტრალიაში უნდა დაიწყოს. თუმცა, თქვენთვის კარგი ამბავი მაქვს: ორლანდო ბლუმი ფილმში დაბრუნებას აპირებს! ეს კი ნიშნავს, რომ ჯეკ ბეღურას ისევ ნახევრად მთავარი როლი ერგება. არავინ იცის, როგორი რეაქცია აქვს ამ ფაქტზე ჯონი დეპს, თუმცა, ფაქტია, რომ ფილმის ინტერესებიდან გამომდინარე, ორლანდოს დაბრუნება ნამდვილად მართებული გადაწყვეტილება იქნება. “კარიბის ზღვის მეკობრეები: მკვდრები ზღაპრებს არ ყვებიან” კინოეკრანებზე 2017 წლის 7 ივლისს გამოდის.