სერიალის „ანარქიის შვილები“ ფინალმა რეკორდი დაამყარა!

კურტ სატერის დრამა „ანარქიის შვილები“ თავის თაყვანისმცემლებს რეკორდის დამყარებით ემშივდობება. ფინალური, მეშვიდე სეზონის დასკვნით სერიას, რომელიც 2014 წლის 9 დეკემბერს გამოვიდა, 6,4 მილიონმა ადამიანმა უყურა, რომელთაგან 4,2 მილიონი 18-დან 49 წლამდე ასაკობრივ კატეგორიას მიეკუთვება. საათნახევრიანმა ფინალმა მოხსნა წინა რეკორდი , რომელიც მეშვიდე სეზონის პრემიერას ეკუთვნოდა. თავის დროზე მან 6,2 მილიონი მაყურებლის ყურადღება მიიპყრო, რომელთაგან 4,1 მილიონი 18-დან 49 წლამდე ასაკობრივ კატეგორიას მიეკუთვნებოდა. გარდა ამისა, ახალმა სერიამ მეექვსე სეზონის ფინალური სერიის რეკორდიც მოხსნა.

სერიალის დასასრულს გვრჩება იმედი, რომ არც „ანარქიის შვილები“ და არც თავად პროექტის შოურანერი კურტ სატერი დიდი ხნით არ დაიკარგებიან ჩვენი თვალთახედვის არედან. სატერის მომავალ ტელეპროექტებში ირიცხებიან დრამა “The Bastard Executioner” და „ანარქიის შვილებთან“ დაკავშირებული პრიკველი.