“კუ-ნინძების” მეორე ნაწილს ახალი რეჟისორი ჰყავს!

მიუხედავად იმისა, რომ ინფორმაცია არაოფიციალურია, თითქმის ყველა დარწმუნებულია იმაში, რომ “კუ-ნინძების” მეორე ნაწილის რეჟისორი დევიდ გრინი იქნება! უკვე ცნობილია, რომ ფილმის პროდუსერი მაიკლ ბეია, ბრედ ფულერსა და ენდრიუ ფორმთან ერთად. სცენარს ამჯერადაც ჯოშ ეპლბაუმი და ანდრე ნემეკი წერენ. არავინ იცის, რომელი მსახიობები დაბრუნდებიან წინა სურათიდან, რომლის რეჟისორიც ჯონათან ლიბსმენი იყო.

ვარაუდობენ, რომ მონაწილეთა სიაში აუცილებლად იქნებიან მეგან ფოქსი და უილ არნეტი. შეგახსენებთ, რომ სწორედ “კუ-ნინძების” პირველმა ნაწილმა Paramount-ს 478 მილიონი დოლარის მოგება მოუტანა. სწორედ ამან განაპირობა ის, რომ კომპანიამ დაუყოვნებლივ დაგეგმა მეორე სურათის გადაღება, რომლის დასრულებასაც 2016 წლისთვის აპირებს. თავად სტუდიას ახალ რეჟისორზე კომენტარი ჯერ არ გაუკეთებია.