რაიან რეინოლდსი დედპულის როლს ითამაშებს!

რაიან რეინოლდსი ფილმში „Deadpool“ მთავარი როლის შესრულებას დასთანხმდა. როგორც გამომცემლობა Deadline იტყობინება, გადაღებები 2015 წლის მარტში დაიწყება. სავარაუდოა, რომ მთავარ გმირს არაფერი საერთო არ ექნება იმ ინტერპრეტაციასთან, რომელიც ჩვენ ფილმში „X-ადამიანები: დასაწყისი“ ვიხილეთ. სურათის სცენარს რეტ რიზი და პოლ ვერნიკი მოამზადებენ, ხოლო მისი რეჟისორი ტიმ მილერი იქნება.

შეგახსენებთ, რომ დედპული „X-ადამიანების“ სამყაროში ერთ-ერთი ყველაზე „ახალგაზრდა“ გმირია. ის კომიქსების სერიაში პირველად 1991 წელს გამოჩნდა. ის ამ სამყაროს ერთ-ერთ ყველაზე საშიშ გმირად ითვლება. სურათის პრემიერა 2016 წლის 12 თებერვალს არის დანიშნული. რაიან რეინოლდსმა პროექტში თავისი მონაწილეობა Twitter-ის მეშვეობითაც დაადასტურა.

4 933