„უცხოელი ქალის“ რეჟისორი „საწყისი კოდის“ სიკველს გადაიღებს!

სერიალის „უცხოელი ქალი“ დამდგმელი ანა ფერსტერი ფანტასტიკური თრილერის „საწყისი კოდი“ სიკველის რეჟისორად დაინიშნა. ამის შესახებ გამომცემლობა Variety იტყობინება. ორიგინალურ სურათში, რომელიც 2011 წელს სტუდია Summit Entertainment-ისთვის ბრიტანელმა რეჟისორმა დუნკან ჯონსმა გადაიღო, ლაპარაკი იყო ამერიკელ ჯარისკაცზე, რომელმაც სასიკვდილო ჭრილობა მიიღო. იგი , თავისი ნებისგან დამოუკიდებლად, მკაცრად გასაიდუმლოებული პროექტის მონაწილე გახდა, რომელიც მას დროსა და სივრცეში გადაადგილების საშუალებას აძლევდა, რათა მსხვილი ტერორისტული აქტი შეეჩერებინა.

სურათში მთავარი როლი ჯეიკ ჯილენჰალმა შეასრულა. ფილმმა, 32-მილიონიანი ბიუჯეტით, შიდა გაქირავებაში 54 მილიონი დოლარი , ხოლო საერთაშორისოში -92 მილიონი დოლარი გამოიმუშავა. ჯერჯერობით უცნობია დაბრუნდება თუ არა ახალ პროექტში ვინმე წინა სამსახიობო დასიდან. სიკველის სცენარზე კვლავ ბენ რიპლი მუშაობს.

2 698