“შურისმაძიებლებისათვის” ახალ სცენებს იღებენ!

კომპანია Marvel-ის წარმომადგენლებმა მიიღეს გადაწყვეტილება, “შურისმაძიებლებში” რამდენიმე სცენა დაამატონ და ამით ის უფრო მძაფრსიუჟეტიანი გახადონ. შეტყობინება უკვე მიუვიდათ რობერტ დაუნი უმცროსს, ქრის ჰემსუორთს, მარკ რუფალოს, ჯერემი რენერს, პოლ ბეტანის, სკარლეტ იოჰანსონსა და ტომ ჰიდლსტონს. თითოეული მათგანი ინგლისში, სტუდია Marvel-შია დაბარებული. მსახიობებმა თავიანთ გადატვირთულ რეჟიმს კიდევ ორკვირიანი გადაღებები უნდა დაუმატონ. შეგახსენებთ, რომ “შურისმაძიებლები: ალტრონის ერა” კინოეკრანებზე 2015 წლის 1-ელ მაისს გამოდის.