“გაყინული” ბრუნდება!

აიდინა მენზელს თუ დავუჯერებთ, “გაყინულის” მეორე ნაწილს სულ მალე ვიხილავთ. ელსას პერსონაჟის გამხმოვანებელმა Telegraph-თან ინტერვიუში აღნიშნა, რომ შემოქმედებითი ჯგუფი მუშაობის პროცესშია და მასაც დიდი იმედი აქვს, რომ დააბრუნებენ. თუმცა, თითქმის დარწმუნებით თქვა, რომ “გაყინულის” თეატრალურ დადგმაში მონაწილეობას არ მიიღებს:

43 წლის მენზელი წლების განმავლობაში იყო ბროდვეის ვარსკვლავი, თუმცა, სამწუხაროდ თუ საბედნიეროდ, მას ქუჩაში მხოლოდ ისე ცნობენ, როგორც ელსას როლის შემსრულებელსა და Let It Go-ს მომღერალს.





შეგახსენებთ, რომ “გაყინული” გასული წლის ოსკაროსანი ანიმაციაა, რომელმაც “დისნეის” ისტორიაში ყველაზე დიდი შემოსავალი მოიტანა. ის ჰანს ქრისტიან ანდერსენის “თოვლის დედოფლის” მოტივებზეა აგებული და მოგვითხრობს ორი დის საოცარ ისტორიას. თანაც, პირველი მულტფილმია, რომელიც ამტკიცებს, რომ დიდ, ნამდვილ და გულწრფელ სიყვარულში მხოლოდ ქალისა და მამაკაცის სიყვარული არ იგულისხმება. “გაყინული” უკვე აღიარეს საახალწლო სეზონის ერთ-ერთ უკვდავ ჰიტად და ამას ის მონაცემებიც ადასტურებს, რომლებიც ანიმაციის ფარგლებში გაყიდული სხვადასხვა ნივთის ფასებსა და რაოდენობას გვიჩვენებს.

5 931