“კარიბის ზღვის მეკობრეებს” ახალი სახეები ჰყავს

“კარიბის ზღვის მეკობრეებს” ახალი სახე შეემატა. ბრიტანელი ჯარისკაცის როლზე ბევრ ახალგაზრდას განიხილავდნენ. მათ შორის იყვნენ ენსელ ეგორი (“ბედის ვარსკვლავის ბრალია”) და ბრენტონ თუეიტსი. როგორც ჩანს, გამარჯვება წილად 25 წლის ავსტრალიელ მსახიობ თუეიტსს ხვდა. ის ცნობილია თავისი როლებით “მალეფისენტსა” და “გამცემში”…

შეგახსენებთ, რომ ამჯერად “კარიბის ზღვის მეკობრეების” რეჟისორობა ჯოაქიმ რონინგმა და ესპენ სენდბერგმა იკისრეს. ვარაუდობენ, რომ, ჯონი დეპთან ერთად, ხავიერ ბარდემიც ითამაშებს ერთ-ერთი უარყოფითი პერსონაჟის როლს. ჯეფრი რაში ბარბოსას განასახიერებს, იან მაკშეინი და სტეფენ გრეჰემი კი ბლუმსა და კეით რიჩარდსთან ერთად დაბრუნდებიან. გასული ეპიზოდების დროს უკვე ყველა მიხვდა, რომ ფილმისათვის ახალი სისხლი აუცილებელია, ვინაიდან მხოლოდ ჯეკ ბეღურა აშკარად ვეღარ განაპირობებს ამ ნამუშევრის წარმატებას. უკვე ცნობილია, რომ გადაღებები ავსტრალიაში იანვრის დასაწყისისათვის იგეგმება. “კარიბის ზღვის მეკობრეები: მკვდრები ზღაპრებს არ ყვებიან” კინოეკრანებზე 2017 წლის 7 ივლისს გამოვა.

3 603