“კაჭკაჭჯაფარა” წლის დებიუტანტია!

ეს წელი კინოინდუსტრიაში არც ისეთი წარმატებული აღმოჩნდა, როგორსაც ვარაუდობდნენ. თუმცა, ყოველი მომდევნო იმედგაცრუებისას ისმოდა შემდეგი კომენტარები: “დაიცადეთ, ჯერ ‘შიმშილის თამაშები’ არ გამოსულა!”. და აი, ის ჩვენ წინაშეა! ოღონდ, ეს ის არ არის, რაც ყველას ეგონა. საქმე იმაშია, რომ “კაჭკაჭჯაფარამ”, რომელსაც წესითა და რიგით წინამორბედებისათვის უნდა გაესწრო, კინოგაქირავებაში ცოტა მოიკოჭლა. არა, ეს იმას არ ნიშნავს, რომ წლევანდელ ფონზე ცუდი მონაცემები აქვს. უბრალოდ, “შიმშილის თამაშებსა” და “შიმშილის თამაშები: ცეცხლის ალში”-ს გახსნის დღეს უფრო დიდი შემოსავალი ხვდა წილად. ახალმა სურათმა კი პირველ ჩვენებაზე 55 მილიონი დოლარი გამოიმუშავა მაშინ, როცა წინა ნაწილებმა, შესაბამისად, 67.2 და 70.9 მილიონი დოლარი მიიღეს. სამაგიეროდ, “კაჭკაჭჯაფარა” წლევანდელი ლიდერი გახდა და ივლისის დომინანტ “ტრანსფორმერებს” (41.8 მილიონი) მაინც გაუსწრო.



გასული კვირის კინოგაქირავების რეიტინგი კი ასე გამოიყურება:
1. “შიმშილის თამაშები: კაჭკაჭჯაფარა – ნაწილი 1″ – $55,000,000;
2. “დიდი გმირი 6″ – $4,484,000;
3. “ჩლუნგი და ჩლუნგზე უფრო ჩლუნგი 2″ – $4,300,000;
4. “ვარსკვლავთშორისი”/”ინტერსტელარი” – $4,220,000;
5. “გაუჩინარებული გოგონა” – $800,000.