ბრედ პიტი ახალი თრილერის პროდუსერი იქნება

მაშინ, როცა დენიელ უილსონის ნოველის “რობოპოკალიფსის” ეკრანიზაციის რეჟისორად სტივენ სპილბერგს მოიაზრებდნენ, გაიჟღერა ინფორმაციამ, მწერლის კიდევ ერთ ადაპტაციას სათავეში ბრედ პიტი ჩაუდგება. Hollywood Reporter-ის ინფორმაციით, Lionsgate-მა პიტი ახალი თრილერის პროდუსერად დანიშნა. სურათს სახელად “ალფა” ერქმევა და, ბრედთან ერთად, პროდუსერებად დედ გარდნერი და ჯერემი კლაინერი მოგვევლინებიან. სცენარს, როგორც მოსალოდნელიც იყო, უილსონი დაწერს. რეჟისორობას კი დებიუტანტი ენთონი სკოტ ბერნსი შეითავსებს. როგორც ყველანი ვხედავთ, პიტმა უკვე კარგად მოირგო პროდუსერის ამპლუა და ოსკაროსანი “მონობის 12 წელიწადით” არ კმაყოფილდება. შეგახსენებთ, რომ მის ნამუშევართა სიაშია “მსოფლიო ომი Z”, “კუდიანები” და “სელმა”, რომელსაც წლევანდელი ოსკარის კანდიდატად მოიაზრებენ. მსახიობს კომენტარი ჯერ არ გაუკეთებია. ის ამჟამად მეუღლესთან ერთად მუშაობს ფილმზე “ზღვის პირას”, რომელიც 2015 წელს წარსდგება მაყურებლის წინაშე.