ენდრიუ გარფილდი მელ გიბსონის ახალ ფილმში ითამაშებს

მელ გიბსონი მეორე მსოფლიო ომის დრამის “ჰაკსოს ქედის” რეჟისორი იქნება! სიუჟეტი ომის გმირ დესმონდ დოსზე მოგვიყვება. ის უარს ამბობს იარაღის ტარებასა და ადამიანების მოკვლაზე, ამის გამო კი გარიყულია. შედეგად, ოკინავას ბრძოლის დროს, დესმონდი 75 ადამიანის მხსნელი ხდება და მათ ევაკუირებას ახერხებს მაშინ, როცა თავად გაცეცხლებულ ომში ერთვება და, ფაქტობრივად, თავს წირავს სხვათა სიცოცხლის გადასარჩენად. მთავარი როლის შემსრულებლად ენდრიუ გარფილდს მოიაზრებენ. შეგახსენებთ, რომ გიბსონის სარეჟისორო დებიუტი შედგა 1993 წლის ფილმით “ადამიანი სახის გარეშე”, რასაც მისი ლეგენდარული ნამუშევარი “მამაცი გული” მოჰყვა. ამ უკანასკნელმა მსახიობსა და რეჟისორს ორი ოსკარი მოუტანა. რაც შეეხება გარფილდს, ის “ადამიანი ობობასა” და “სოციალური ქსელის” ვარსკვლავია და ამჟამად “99 სახლში” მონაწილეობს. გარდა ამისა, უკვე დამტკიცებულია როლზე მარტინ სკორსეზეს ფილმში “სიჩუმე”. “ჰაკსოს ქედის” გადაღებები მომავალ წელს დაიწყება. ჯერჯერობით უცნობია სხვა მსახიობთა სია და საპრემიერო თარიღი.