ტომ კრუზი „მთიელის“ რიმეიქში მიიწვიეს!

კინოსტუდია Summit Entertainment-ს იმედი აქვს, რომ ცნობილი ფანტასტიკური ფილმის „მთიელი“ რიმეიქს გადაიღებს და თავისი შანსების გასაზრდელად სათამაშოდ ა-კლასის მსახიობი, ტომ კრუზი მიიწვია. ცნობილ მსახიობს შესთავაზეს მთავარი გმირის მასწავლებლის როლი, რომელიც ორიგინალურ სურათში შონ კონერი იყო. კრუზის წარმომადგენლებმა მსგავსი წინადადების არსებობა დაადასტურეს, მაგრამ ხაზგასმით აღნიშნეს, რომ მსახიობს ამის თაობაზე მოლაპარაკებები ჯერ არც კი დაუწყია, რადგან ის თავიდან ბოლომდე ფილმის „შეუსრულებელი მისია 5“ გადაღებებითაა დაკავებული. გარდა ამისა, „მთიელის“ რიმეიქს დიდი კონკურენცია შეხვდება, რადგან ტომ კრუზს „ტონობით“ სხვა შემოთავაზებები აქვს.



აღვნიშნავთ, რომ რიმეიქის გადაღებაზე საუბარი უკვე რამდენიმე წელია მიმდინარეობს.ჯერჯერობით უცნობია ვინ იქნება პროექტის რეჟისორი , ასევე არ სახელდება მთავარი როლის შემსრულებლის ვინაობა. შეგახსენებთ, რომ ორიგინალური სურათი 1986 წელს გამოვიდა. მთავარ როლებს შონ კონერი და ქრისტოფერ ლამბერტი ასრულებდნენ. სიუჟეტის მიხედვით უკვდავები, რომელთა მოკვლაც, მხოლოდ თავის მოჭრით შეიძლება, იბრძვიან რათა ცოცხალი მხოლოდ ერთი გადარჩეს.