გამოქვეყნდა “ჰობიტის” ოფიციალური საუნდტრეკი

რამდენიმე კვირის წინ ცნობილი გახდა, რომ ბილი ბოიდი “ჰობიტისათვის” ახალი სიმღერის “The Last Goodbye”-ის შესრულებას გეგმავდა. როგორც ჩანს, გეგმა უკვე შესრულებულია და “ხუთი არმიის შერკინებას” სწორედ ეს ძალიან ლამაზი კომპოზიცია დაასრულებს. მართალია, ისეთივე ეფექტი არ აქვს, როგორც “ბეჭდების მბრძანებელში” ბოიდის “The Srewart of Gondor”-ს ჰქონდა, მაგრამ სიმღერა აშკარად ძალიან უხდება ბრძოლისშემდგომ დასრულებულ ტრილოგიას.



შეგახსენებთ, რომ “ჰობიტი: ხუთი არმიის შერკინება” კინოეკრანებზე 17 დეკემბერს გამოდის. მასში მარტინ ფრიმენი, იან მაქკელენი, რიჩარდ არმიტაჯი, ევანჯელინ ლილი, ლი პეისი, ლუკ ევანსი, ბენედიქტ კამბერბეტჩი, სტეფენ ფრაი, კეიტ ბლანშეტი, იან ჰოლმი, ქრისტოფერ ლი, ჰუგო ვივინგი, კენ სტოტი, ჯეიმს ნესბიტი და ორლანდო ბლუმი გამოდიან.