ჯარედ ლეტოს ჯოკერის როლი შესთავაზეს!

ჯარედ ლეტომ შეიძლება DC Comics-ის სამყაროში საკვანძო ბოროტმოქმედის როლი ითამაშოს. როგორც გამომცემლობა The Wrap ამტკიცებს, მსახიობს ჯოკერის როლი შესთავაზეს. ამ სახით ის პირველად „თვითმკვლელთა რაზმში“ შეიძლება მოგვევლინოს. თუ ლეტო ამ შემოთავაზებას დასთანხმდება, სავარაუდოდ, მას მაყურებელი კომიქსების რამდენიმე მომავალ ეკრანიზაციაში იხილავს. პირველად „თვითმკვლელთა რაზმის“ ფორმირება 1959 წელს მოხდა, მაგრამ კომპანია DC Comic-მ ამ სერიების რეგულარული გამოშვება მხოლოდ 80-იანი წლებიდან დაიწყო. სიუჟეტი იწყობა ცნობილი სუპერბოროტმოქმედების ნაკრების გარშემო, რომელიც მთავრობის იმ დავალებას ასრულებს, რომლის შესრულებაც სუპერგმირებისთვის ზედმეტად საშიშია. ნაკრების წევრები განსხვავებულ პერიოდებში იყვენენ დედშოტი, ბეინი, კაპიტანი ბუმერანგი, ჰარლი ქუინი და სხვა ცნობილი პერსონაჟები. „თვითმკვლელთა რაზმი“ მაყურებლის წინაშე 2016 წლის 5 აგვიტოს წარსდგება. სურათის რეჟისორის პოსტი დევიდ ეიერს შესთავაზეს, მაგრამ ჯერჯერობით მისი დანიშვნის შესახებ ოფიციალური განცხადება არ გაკეთებულა.