ალენ დელონის ფათერაკებით სავსე ცხოვრება!

ალენ დელონი იმდენი ხანია ჩანს ეკრანებზე, რომ ბევრს ალბათ, დაავიწყდა კიდეც, რომ იგი საფრანგეთის სამხედრო სამსახურში მდგომი 50-იან წლებში უკვე ვიეტნამში იბრძოდა, როცა ის ჯერ კიდევ ინდოჩინეთი იყო. მოგვიანებით, მან განაცხადა, რომ საკმარისად ემსახურა სამხედრო არმიას და საგმირო საქმეები უკან ჩამოიტოვა. ამის შემდეგ დაიწყო მისი ურჩი და ფათერაკებით სავსე ცხოვრება, რომელმაც გარდამტეხ წერტილს 1968 წელს მიაღწია, როცა იგი თავისივე მცველის მკვლელობაში იყო ეჭვმიტანილი. დელონი გამართლდა, თუმცა, აშკარა გახდა მისი კავშირები კრიმინალურ სამყაროსთან, რაც მსახიობთა წრეში სულაც არ იყო ახალი ამბავი. დელონს მომწიფებულ ასაკშიც განსაკუთრებით უყვარდა განგსტერების როლის თამაში, თუმცა ბოლო წლებში, საფრანგეთის ერთ-ერთ ტელევიზიაში პოლიციის ოფიცერის – ფრენკ რივას როლიც შეასრულა ამავე სახელწოდების სერიალში. ახლა, ალენ დელონი ჩვეულებრივი მოქალაქის ცხოვრებით ცხოვრობს. ყიდის საათებს, სიგარეტებს, მზის სათვალეებსა და სუნამოს, თავისივე ეტიკეტით “Alain Delon”.ეძღვნება ალენ დელონის 79 წლის იუბილეს!

ალენ დელონი ნამდვილად მნიშვნელოვანი ფიგურაა კინოისტორიაში. რა თქმა უნდა, ის უკვე იმდენი ხანია ეკრანებზეა, რომ საკმარისად აქვს რუტინული ან თუნდაც, ცუდი როლებიც. მიუხედავად იმისა, რომ მას 1950-იან წლებში კონტრაქტი ჰქონდა დევიდ ო სელზნიკთან, ის თითქმის არ მონაწილეობდა ინგლისურენოვან ფილმებში. თუ ფილმის სცენარი მისთვის უინტერესო იყო და გადაღებაც ერთფეროვნად მიდიოდა, იგი მოდუნებულად მოძრაობდა და უღიმღამოდ აკეთებდა ყველაფერს. მაგრამ, თუ იგი საშუალოზე მაღალი იყო, მაშინ კი დაიძვრებოდა ადგილიდან და აქტიურად ჩაერთვებოდა გადაღებაში. მისი ტალანტი ყველაზე კარგად პირველად 1960 წელს გამოჩნდა, როცა მან პატრიცია ჰაისმიტის ტომ რიფლი შეასრულა რენე კლემენტის მიერ გადაღებულ ფილმში „მცხუნვარე მზე“. ამ ისტორიის გაგრძელებაში – „ჭკვიანი მისტერ რიფლი“ შემდგომში ეს როლი შეასრულეს ენტონი მინგელამ და მეტ დეიმონმა. მაგრამ, პირველი ფილმი სულაც არ გაუფერულებულა, რაც დელონის შესრულების, მისი მიმზიდველობისა და ქარიზმატულობის დამსახურებაა. ის ნამდვილად საუკეთესო ტომ რიფლია.



შემდეგ ის გახდა საფონდო ბირჟის მონადირე, მიქელანჯელო ანტონიონის ფილმში „დაბნელება“. ანტონიონის თავისი ფილმებისათვის ნაკლებად აინტერესებდა აქტიური, თავგადასავლებისმოყვარული, სექსუალური მამაკაცები. მაგრამ, „დაბნელებაში“ დელონი „შტურმით იღებს მონიკა ვიტის სასახლეს“. მან თავისი მომხიბვლელობით, ენერგიულობით, ქარიზმატულობითა და იმპულსურობით, შეიძლება ითქვას, გადაფარა კიდეც ანტონიონის ფავორიტი მონიკა ვიტი. ზოგჯერ, დელონი შეიძლება ცივი და უემოციო მოგეჩვენოთ. თუ ასეა, უნდა უყუროთ მას ჯოზეფ ლოუზის ფილმში „მისიე კლეინი“(1976). ომის დროინდელ პარიზში, დელონი ასრულებს ხელოვნების ნიმუშებით მოვაჭრის როლს, რომელიც ხვდება, რომ არსებობს სხვა კლეინი, რომელიც ებრაელია და მას გერმანელები ეძებენ. იგი ფიქრობს, რომ გერმანელებს შეიძლება ის სწორედ ამ კლეინში აერიოთ. სამწუხაროდ, ფილმი სათანადო ყურადღების გარეშე დარჩა, მაგრამ ეს ერთ-ერთი საუკეთესო ფილმია ომის დროინდელ პარანოიაზე და ასევე არის იმის დასტური, რომ ალენ დელონი მართლაც შესანიშნავია.

3 686