ქრისტიან ბეილიმ სთივ ჯობსის როლზე უარი თქვა!

ქრისტიან ბეილიმ უარი თქვა სთივ ჯობსის როლზე ბიოგრაფიულ ფირში, რომლის გადაღებასაც ბრიტანელი რეჟისორი დენი ბოილი აპირებს. ამის შესახებ გამომცემლობა The Hollywood Reporter იტყობინება. შეგახსენებთ, რომ ჯერ კიდევ 2014 წლის დასაწყისიდან იყო ცნობილი კომპანია Apple-ის დამაარსებლის როლის შესასრულებლად ბეილის მაზყოფნის შესახებ. მაშინ პროექტით დაკავებას დევიდ ფინჩერი აპირებდა, მაგრამ ის პროდუსერებთან თავისი ჰონორარის მოცულობაზე ვერ შეთანხმდა და გამოეთიშა სურათის გადაღებებს, მას ბეილიც კვალდაკვალ მიჰყვა. გარკვეული დრო ამ როლის შემსრულებლად ლეონარდო დიკაპრიო ითვლებოდა, მაგრამ მანაც უარი განაცხადა და ამის შემდეგ კვლავ ბეილი დასთანხმდა თამაშს. რა გახდა მიზეზი მორიგი გადაწყვეტილების ჯერჯერობით უცნობია. მსახიობის საახლობლოდან წყაროები ამტკიცებენ, რომ მან ეს გადაწყვეტილება „დიდი ფიქრის“ შემდეგ მიიღო. შეგახსენებთ, რომ ეს სთივ ჯობსის ისტორიის ეკრანიზების პირველი მცდელობა არ არის. 2013 წელს გამოვიდა სურათი „ჯობსი“ , რომელშიც მთავარ როლს ეშტონ კუჩერი ასრულებდა. ფილმი კრიტიკოსებმა გაანადგურეს და გაქირავებაშიც ჩავარდა.