“კარიბის ზღვის მეკობრეების” მეხუთე ნაწილს ავსტრალიაში გადაიღებენ!

ინფორმაცია ოფიციალურია: „კარიბის ზღვის მეკობრეების“ მეხუთე ნაწილს ქუინსლენდში, ავსტრალიაში გადაიღებენ. გადაღებები კი თებერვალში დაიწყება! როგორც ავსტრალიაში აცხადებენ, ეს ამ ქვეყანაში გადაღებული ყველაზე დიდი კინომოვლენა იქნება. ცნობილია, რომ ადგილის გამოყენებისათვის 19 მილიონამდე დოლარია გადახდილი. გარდა ამისა, ფილმი ქუინსლენდს სავარაუდო 87 მილიონსა და ათასობით სამუშაო ადგილს ჰპირდება. „კარიბის ზღვის მეკობრეების“ მეხუთე ნაწილის რეჟისორები ჯოაქიმ რონინგი და ესპენ სენდბერგი არიან. პროდუსერად ჯერი ბრაკჰეიმერი დაინიშნა.

როგორც ვარაუდობენ, ახალი სურათი კინოეკრანებზე 2017 წელს გამოვა.