Ashton Kutcher-ის ოჯახში მატებაა

Ashton Kutcher-ის ოჯახში მატებაა – ოღონდ ეს ის არ არის, რასაც თქვენ ფიქრობთ და არც Mila Kunis-ს გაუჩენია შვილი ყველასგან გასაიდუმლოებულად – ”პეპლის ეფექტის“ ვარსკვლავი რამდენიმე დღის წინ ბიძა გახდა – მის უფროს დას ვაჟიშვილი შეეძინა, რაც ყველაზე საინტერესოა, მომავალ წელს კიდევ ერთი პატარას მამა გახდება Ashton-ის ტყუპისცალი ძმა Michael-ი, აი თავად მსახიობი კი დღე-დღეზე ელოდება ახალი, მამიკოს სტატუსის მიღებას. Mila Kunis-ი და Ashton Kutcher-ი სულ მალე პირველი გოგონას მშობლები გახდებიან – როგორც ყვითელი პრესა იუწყება, Kutcher-ი Mila-ზე მეტად ნერვიულობს – კვირაში ერთხელ სამშობიაროს სტუმრობს და იმ პალატას ათვალიერებს, რომელშიც მისმა საყვარელმა საცოლემ რამდენიმე დღე უნდა გაატაროს. ორსული Mila კი ბოლო პერიოდში სახლში ყოფნას ამჯობინებს, თუმცა, განსაკუთრებული აქტიურობით ჟურნალსიტებთან ურთიერთობისას არც ორსულობამდე გამოირჩეოდა – წყვილი მასმედიისგან თავს მაქსიმალურად შორს იჭერს – რაღაც პერიოდის განმავლობაში Mila პაპარაცებს წამოზრდილი მუცლის გადაღების საშუალებასაც კი არ აძლევდა, თუმცა, რამდენიმე თვის თავზე მისმა ღიპმა უკვე თავი აღარ დამალა. Kutcher-ი და Kunis-ი ბავშვის დაბადების და Mila-ს ფორმაში ჩადგომისთანავე იქორწინებენ – Kunis-ი ყოველთვის ამბობდა, რომ სურდა ბავშვი ოფიციალურ ქორწინებაში მყოფს გაეჩინა, თუმცა, Demi Moore-ისა და მისი საყვარელი მამაკაცის გარჩევების გადამკიდე ვერც ქორწილს მოაბა თავი და ცერემონიალიც გაურკვეველი ვადით გადადო. წყვილს სურს რაც შეიძლება მეტი შვილი ჰყავდეს – Ashton-ს ხომ 10 და-ძმა ჰყავს და უნდა თავადაც მრავალშვილიანი მამიკო გახდეს – პრინციპში, ამისი წინააღმდეგი არც Kunis-ია და როგორც ამბობს, მეორე ბავშვზე ზრუნვის სასიამოვნო პროცედურებს პირველის გაჩენისთანავე დაიწყებს.