ვინ არის Miley Cyrus-ის ახალი ბოიფრენდი?!

Miley Cyrus-ის ცხოვრებაში ახალი მამაკაცია, თუმცა მომღერალი თავის თავს კიდევ ერთხელ შეყვარების უფლებას არ აძლევს. როგორც ცოტა ხნის წინ გაირკვა, Miley ისევ თავის ექს საქმროზე – Liam Hemsworth-ზე ფიქრობს, და რადგან სტარი ამას საჯაროდ აღიარებს, არ გვგონია, რომ ბიჭის წინააღმდეგობას მალე დანებდეს. საქმე იმაშია, რომ ჭორების თანახმად, მაილი ამჟამად ბრიტანელ მსახიობს – Douglas Booth-ს ხვდება. შეგახსენებთ, რომ ყმაწვილმა მომღერალი ერთობლივი ფილმის – LOL-ის გადაღებებზე გაიცნო. ეკრანზე წყვილი შეყვარებულებს ასახიერებს. ამბობენ, რომ გრძნობები ცხოვრებაშიც გაგრძელდა და რომ Miley როგორც იქნა Liam-ის შესახებ აღარ ფოქრობს, თუმცა ეს ასე არაა. Booth-თან და Cyrus-თან დაახლოებული პირების თქმით, ისინი მხოლოდ მეგობრები არიან და მეტი არაფერი. Miley-ც გამუდმებით საუბრობს იმის შესახებ, რომ ჯერ კიდევ აქვს შემორჩენილი გრძნობები ყოფილი საქმროს – Liam Hemsworth-ის მიმართ, რომელიც, სხვათაშორის თავისი არაადეკვატური ქცევებით თავადვე შეაშინა. მიუხედავად ამისა, მედია ირწმუნება, რომ გოგონას ახალი გატაცება რეალურია. წყვილი უკვე რამდენჯერმე დააფიქსირეს ერთად ღამის კლუბებში. სიმპათიური ყმაწვილი სტუმრად Cyrus-ების ოჯახშიც კი იმყოფებოდა, მაგრამ არ გვგონია ეს რაიმე ოფიციალურს ნიშნავდეს. Miley ხომ არავის აზრს, მათ შორის არც მშობლებისას, ითვალისწინებს.