ამერიკულ “ახალ ხმაში” ტეილორ სვიფტიც მიიწვიეს!

ამერიკის “ახალ ხმას” ყველა გულშემატკივარი მოუთმენლად ელის. როგორც აქამდე უკვე გაცნობეთ, მეშვიდე სეზონის მწვრთნელებში ცვლილებაა: ქრისტინა აგილერას ნაცვლად – გვენ სტეფანს, აშერის ნაცვლად კი ფარელ უილიამსს ვიხილავთ. თუმცა, სიახლეები ამით არ დამთავრებულა… როგორც ცნობილი გახდა, შოუს ერთ-ერთი მრჩეველი, რომელიც მონაწილეებს მითითებებს მისცემს, ტეილორ სვიფტი იქნება! გარდა ტეილორისა, სტუმრად უკვე მიიწვიეს სტივი ნიკსი, გევინ როსდეილი, Little Big Town-ი და ალიშა კისი. ზოგადად, სვიფტის სიმღერები ამ კონკურსზე დიდი პოპულარობით სარგებლობს. 2013 წლის ივნისში მომღერალი მოულოდნელად გამოჩნდა შოუს მიმდინარეობისას და მიშელ ჩემუელის (ერთ-ერთი კონკურსანტის) რეპეტიციას დაესწრო. მიშელი იმ ტურში ტეილორის “I Know You Were Trouble”-ს ასრულებდა. მომღერალი აღფრთოვანდა მონაწილის მონაცემებითა და შესრულების სტილით.



“ახალი ხმის” მეშვიდე სეზონის პრემიერა 22 სექტემბერსაა დაგეგმილი. 27 სექტემბერს კი ტეილორის ახალი ალბომი “1989″ გამოვა.