კიდევ ერთი ფილმი ანჯელინა ჯოლისა და ბრედ პიტის მონაწილეობით!

ანჯელინა ჯოლი და ბრედ პიტი მსოფლიოს ერთ-ერთი ყველაზე ცნობილი და ყველასათვის საყვარელი წყვილია. თუმცა, რატომღაც, “მისტერ და მისის სმიტების” შემდეგ, რომელიც 2005 წელს გამოვიდა და საფუძველი ჩაუყარა მათ სიყვარულს, ცოლ-ქმარი ფილმში ერთად აღარ გვინახავს.

თუმცა, სულ ცოტა ხნის წინ ახალი ამბავი დაანონსდა: “ზღვის პირას” – ასე ერქმევა ანჯელინას ახალ ნამუშევარს, რომლიც რეჟისორიცა და სცენარისტიც თავად იქნება. გარდა ამისა, ენჯი მეუღლესთან ერთად მთავარ როლსაც შეასრულებს. Universal Pictures-მა უკვე ოფიციალურად განაცხადა ფილმის სადისტრიბუციო უფლებების მოპოვების შესახებ.

“ზღვის პირას” ანჯელინა ჯოლის რეჟისორობით გადაღებული რიგით მესამე ფილმი იქნება. ამ ამპლუაში მსახიობის დებიუტი 2011 წელს შედგა ნამუშევარში “სისხლისა და თაფლის მიწაზე”. ამჟამად კი ახლადგამომცხვარი რეჟისორი “გაუტეხელზე” მუშაობს, რომელიც კინოეკრანებზე საშობაოდ გამოვა

ბოლო წლების განმავლობაში ანჯელინა აქტიურობით მაინცდამაინც ვერ დაიკვეხნიდა. მისი მონაწილეობით გამოსულ ფილმთა სიას, 2010 წელს გადაღებული “ტურისტის” შემდეგ, წლევანდლამდე არაფერი შემატებია. წელს, როგორც იცით, ჯოლი მთავარი როლით დაგვიბრუნდა ფილმში “მალეფისენტი”. რაც შეეხება ბრედ პიტს, ის შედარებით აქტიური იყო და მონაწილეობდა ისეთ ფილმებში, როგორებიცაა: “მსოფლიო ომი Z”, “მონობის 12 წელიწადი” და “მრჩეველი”. ამჟამად კი, როგორც ჩვენგან უკვე გაიგებდით, მსახიობი ახალ ფილმში “Fury” იღებს მონაწილეობას

ჯერჯერობით, ახალი ნამუშევრის შესახებ ბევრ დეტალს არ ახმაურებენ. უცნობია ისიც, როდის დაიწყება გადაღებები ან როდისთვის იგეგმება ფილმის მსოფლიო პრემიერა.