ფილმის „ჰობიტი 3: The Battle of the Five Armies“ სიუჟეტი წარმოადგინეს!

კინოსტუდია Warner Bros.-მა ტრილოგია „ჰობიტის“ ფინალური ნაწილის შინაარსი დააზუსტა. ოფიციალურ პრეს-რელიზს, რომელიც გერმანულ ენაზე გამოვიდა, რესურსი io9 უკეთებს ციტირებას.

„შეპყრობილი იმ მიზნით, რომ დაიბრუნოს თავისი ოჯახის კუთვნილი სიმდიდრე, თორინი ღალატობს მეგობრობას და ივიწყებს თავისი ღირსების შესახებ. ამავდროულად, ბილბომ უნდა გააკეთოს არჩევანი, რომელიც მის მომავალზე იქონიებს ზეგავლენას. ამ ყველაფერთან ერთად მათ წინ დიდი საშიშროება ელით. გენდალფის გარდა ყველასთვის უხილავმა საურონმა მარტოხელა მთაზე იერიშის მისატანად ორკების არმია შეკრიბა.

სიბნელე ძალებს იკრებს, ხოლო კონფლიქტი ადამიანებს, გნომებსა და ელფებს შორის თანდათან უფრო მწვავდება. მისი მონაწილეები უნდა გაერთიანდნენ, თორემ წინ გარდაუალი სიკვდილი ელით. ბილბო ხუთი ლაშქრის შეტაკების ეპიცენტრში აღმოჩნდება და იცავს თავის და თავისი მეგობრების სიცოცხლეს. მთელი შუამიწეთის ბედი კი ამ ბრძოლის შედეგებზეა დამოკიდებული“.

შეგახსენებთ, რომ ფილმის „ჰობიტი 3: The Battle of the Five Armies“ პრემიერა 2014 წლის 17 დეკემბერს შედგება.