HBO არ ნერვიულობს, რომ სერიალმა „სამეფო კარის თამაშები“ შეიძლება წიგნს გაუსწროს!

არც ისე დიდი ხნის წინ ტელეარხი HBO-ს ხელმძღვანელობამ პირობა დაუდო პოპულარული სერიალის „სამეფო კარის თამაშების“ თაყვანისმცემლებს, რომ ყველაფერი გეგმის მიხედვით მიდის და რომ „ყინულისა და ცეცხლის სიმღერის“ წერა ზუსტად ისე სრულდება, როგორც იგეგმებოდა.

ჟურნალისტებმა ტელეარხის წარმომადგენელს რიჩარდ პლეპლერსა და პროგრამების განყოფილების პრეზიდენტს მაიკლ ლომბარდოს საკმაოდ უცნაური კითხვა დაუსვეს, ატომური ომის გარდა შეიძლება თუ არა მოხდეს რაიმე, რაც მათ აღებული კურსის შეცვლას აიძულებს. ამ კითხვაზე ლომბარდომ უპასუხა, რომ ვერავინ და ვერაფერი აიძულებთ მათ გადაუხვიონ გეგმას, რადგან თავად პროექტის შემქმნელები, დევიდ ბენიოფი და დენ უაისი, მიილტვიან ამისკენ.

მარტინის შემოქმედების მრავალი თაყვანისმცემელი ნერვიულობს იმ ფაქტის გამო, რომ ავტორი სერიალის მოვლენებზე გასწრებას ვერ ახერხებს. მათ სურთ ჯერ წაიკითხონ წიგნი, ხოლო ამის შემდეგ ნახონ სერიალი. მათი გვესმის. როგორც ლომბარდო ამბობს, მარტინი შემოქმედებითი ჯგუფის მთავარი მამოძრავებელი ძალაა და ყველა სეზონი მასთან არის შეთანხმებული. სავარაუდოდ, ჯორჯის დახმარებით, მომავალი წლის ბოლოს უკვე ცნობილი იქნება რით დასრულდება ისტორია, მაგრამ მოცემულ მომენტში გადამღები ჯგუფი ამ თემასთან დაკავშირებით სულაც არ ნერვიულობს. სერიალის შემქმნელები დღეს შვიდ სეზონზე ჩერდებიან, რომელთაგან მეხუთე ჯორჯის მეოთხე და მეხუთე წიგნებზე იქნება დაფუძნებული . მათი სახელებია „A Feast for Crows „ და „A Dance with Dragons“.

ყველაფერი ზემოთ განხილულის მიხედვით, მომდევნო სეზონი დაფუძნებული იქნება წიგნებზე, რომლებიც ჯერ არ გამოქვეყნებულა. ლაპარაკია „The Winds of Winter“ -სა და „A Dream of Spring“-ზე. თუ მოვლენები ამგვარად არ განვითარდა, სეზონებს , მარტინის ჩარევის გარეშე, თავისი გზით მოუწევს განვითარება. ლომბარდომ ასევე დაამატა, რომ სრულმეტრაჟიანი ფილმის გადაღებაზე ლაპარაკიც კი არაა და ეს მხოლოდ ჭორებია და მეტი არაფერი.