ჯორჯ კლუნიმ Daily Mail-ის ბოდიში არ მიიღო!

ჯორჯ კლუნი აღშფოთებულია მისი საცოლის ოჯახზე Daily Mail-ში გავრცელებული პუბლიკაციის გამო. რედაქტორის მობოდიშებამაც არ დააცხრო მსახიობის ბარაზი, რადგან მან ჩათვალა , რომ ეს ყველაფერი გულწრფელი არ იყო.
Daily Mail-მა თავის წყაროებზე დაყრდნობით გაავრცელა ინფორმაცია იმის შესახებ, რომ ამალ ალამუდინის ოჯახი, რელიგიური მიზეზების გამო , მათი შვილის მსახიობთან ქორწინების წინააღმდეგია. ჯორჯმა მოითხოვა, რომ ეს გამონაგონი სასწრაფოდ უარეყოთ.
„სტატია არ იყო გაყალბებული, – განაცხადა თავის მობოდიშებაში გამომცემლობის მთავარმა რედაქტორმა.- ის ეკუთვნის ავტორიტეტულ, სანდო, დამოუკიდებელ და პატიოსან ჟურნალისტის. ის ბრიტანეთში ლიბანური საზოგადოების წარმომადგენლებთან და ბეირუთელ დრუზებთან საუბრებზე იყო დაფუძნებული. ჯორჯი კიდევ უფრო გაბრაზდა Daily Mail-ზე და განაცხადა, რომ ყველა წყარო , რომელზეც გაზეთმა მიუთითა გამონაგონია. „ამჯერად ტყუილის გამჟღავნება შეიძლება. ეს არის ის, რაც გამოარჩევს ამ ისტორიას Mail-ის სხვა სულელური მონაჩმახებისგან,-ამბობს ჯორჯი. – სინამდვილეში ეს აბსოლუტურად მიზანმიმართული ტყუილია. ასე, რომ მადლობას ვუხდი Mail-ს ბოდიშისთვის. ეს არა იმიტომ, რომ ოდესმე მას მივიღებ არამედ იმიტომ, რომ მათ თავიანთი საქციელით თავი გამოიყვანეს, როგორც არსებულთა შორის ყველაზე ცუდი ტაბლოიდი“.
Daily Mail-ის რედაქციამ მაინც სცადა კონფლიქტის დარეგულირება. საკამათო მასალა საიტიდან წაიშალა და გაზეთის ხელმძღვანელობამ განაცხადა, რომ გულწრფელად ნანობს ამ ინციდენტს, რადგან მან ჯორჯს, მის საცოლესა და მათ ოჯახს უხერხულობა შეუქმნა.