სკარლეტ იოჰანსონი ძმები კოენების ახალ ფილმში მიიწვიეს!

სკარლეტ იოჰანსონი და ჯონა ჰილი ჯოელ და იტან კოენების ახალი ფილმის „Hail Caesar“ სამსახიობო დასს დაემატნენ. წინათ კომედიაში მონაწილეობა დაადასტურეს ჯოშ ბროლინმა, ჯორჯ კლუნიმ, ჩანინგ ტატუმმა, ტილდა სუინტონმა და რალფ ფაინსმა. ფილმში მოვლენები 50-იან წლებში ედი მანიკსის (ჯორჯ კლუნის) გარშემო ვითარდება. ის ჰოლივუდის კინოსტუდიაში მუშაობს და ვარსკვლავების პრობლემებს აგვარებს. იოჰანსონი ითამაშებს მსახიობის როლს, რომელიც მისი კარიერისთვის ძალიან მნიშვნელოვანი ფილმის გადაღებების წინ გაიგებს, რომ ორსულადაა. რა როლი ერგო ჯონა ჰილს ჯერჯერობით უცნობია.