“კარატისტი ბიჭუნას” მეორე ნაწილზე მუშაობა დაიწყო

ოთხწლიანი პაუზის შემდეგ, “კარატისტი ბიჭუნას” მეორე ნაწილი გამოვა. გადაღებები ჯერ არ დაწყებულა, თუმცა, უკვე ცნობილია ვინ დაწერს ახალ სცენარს. საუბარია ჯერემი ფრიდმენსა და ნიკ პალმერზე, რომლებიც ზაკ პენთან, ეთან რიფსა და საირუს ვორისთან ერთად იმუშავებენ. რა თქმა უნდა, მთავარ როლებს ისევ ჯეკი ჩანი და ჯეიდენ სმიტი შეასრულებენ.

მეორე ნაწილის გამოშვება ემთხვევა 1984 წელს გადაღებული “კარატისტი ბიჭუნას” 10 წლის იუბილეს. როგორც უკვე იცით, განახლებული ვერსია ოთხი წლის წინ, ჰაროლდ ცვარტის რეჟისორობით გამოვიდა და 359 მილიონიანი მოგება მიიღო. კრიტიკოსებმა დადებითად შეაფასეს ნამუშევარი, რომლის ბიუჯეტიც 40 მილიონ დოლარს შეადგენდა.

“კარატისტი ბიჭუნას” მეორე ნაწილის შესახებ მეტი ინფორმაცია ჯერჯერობით არ ვრცელდება, თუმცა, როგორც ვარაუდობენ, ახალი სურათის ნახვა აპრილში იქნება შესაძლებელი.

video