“ჰერკულესის” ახალი ეკრანიზაცია

Paramount Pictures-მა “ჰერკულესის” ახალი ეკრანიზაცია დააანონსა. ფილმში მთავარ როლს დუეინ ჯონსონი შეასრულებს. მასთან ერთად, სხვადასხვა პერსონაჟს განასახიერებენ: იან მაკშეინი, რუფუს სუიელი, ჯოზეფ ფაინსი, პიტერ მულანი, ჯონ ჰარტი, რებეკა ფერგიუსონი, ინგრიდ ბოლსო ბერდალი, აქსელ ჰენი და რის რიჩი. ახალი ეკრანიზაცია დაფუძნებულია Radical Studios-ს გრაფიკულ ნოველაზე “ჰერკულესი: თრაკიის ბრძოლები”. ჰერკულესის ლეგენდა და მისი თორმეტი გმირობა ყველასათვის ცნობილია. ახალი ეკრანიზაცია კი სწორედ იქ იწყება, სადაც ყველა ნაცნობი ამბავი მთავრდება. ეს, ფაქტობრივად, ლეგენდის შემდგომი ისტორიაა. წარსულში ჩადენილი ცოდვა ჰერკულესს აიძულებს, მოჯამაგირედ იმუშაოს. ის, ხუთ კომპანიონთან ერთად, საბერძნეთში მოგზაურობს და ოქრომჭედლობას ითავსებს. ავისმსურველებისგან თავი რომ დაიცვას, საკუთარი ლეგენდარული რეპუტაციის მოშველიება უხდება. თუმცა, როცა თრაკიის კეთილმოსურნე მმართველი და მისი ქალიშვილი დახმარებასა და საზარელი მტრის შეჩერებას სთხოვენ, ჰერკულესი გადაწყვეტს, რომ სამართლიანობის აღდგენისა და კარგი საქმეებისათვის ისევ დაუბრუნდეს გმირობას და ახლიდან გაამართლოს საკუთარი მითი. დროა, ჰერკულესი ჰერკულესად იქცეს! “ჰერკულესის” ახალი ეკრანიზაციის პრემიერა 25 ივლისს შედგება.