“ტრანსფორმერები 4 – გადაშენების ხანა” ეკრანებზე დღეს გამოვა!

როგორც მანამდეც ანონსდებოდა, დღეს, 27 ივნისს, “ტრანსფორმერების” მეოთხე ნაწილის პრემიერაა. „გადაშენების ხანა“ მაიკლ ბეის გახმაურებული ბლოკბასტერის მეოთხე ნაწილია, რომელშიც მარკ უოლბერგი, სტენლი ტუჩი, ლი ბინგბინგი, სოფია მაილსი, კელსი გრამერი, ჯონ გუდმენი და სხვა მსახიობები მონაწილეობენ. ფილმში მოქმედება ვითარდება მას შემდეგ, რაც, ეპიკური ბრძოლის შედეგად, დიდი ქალაქი ნადგურდება, თუმცა მსოფლიოს გადარჩენა მაინც ხერხდება. ის ისაა, ადამიანებმა სასიცოცხლო ძალა უნდა აღიდგინონ, რომ ჩნდება აჩრდილთა დაჯგუფება, რომელიც ისტორიის შეცვლასა და კონტროლის სადავეების ხელში ჩაგდებას ისახავს მიზნად. ახალ თანამებრძოლ ადამიანებთან ერთად, ოპტიმუს პრაიმი და ავტობოტები ჯერ არნახულ და ყველაზე სახიფათო ბრძოლაში ებმებიან. ისინი იბრძვიან სიკეთისა და ბოროტების ომში, რომელიც მთელ მსოფლიოში კლიმატურ ცვლილებებს იწვევს. ოპტიმუს პრაიმს ამჯერად პიტერ ქულენი ახმოვანებს. პროდუსერთა და სცენარისტთა ჯგუფი თითქმის უცვლელია. Paramount Pictures-ი ფილმს “ტრანსფორმერები 4 – გადაშენების ხანა” ოფიციალურად დღეს წარადგენს.

photos