ფილმმა „X-ადამიანები“ „წარმოუდგენელ ადამიან-ობობას“ აჯობა!

ფილმი „X-ადამიანები: მომავლის განვლილი დღეები“ ამერიკული კინოგაქირავების ზაფხულის სეზონის ლიდერი გახდა. სურათმა დღეის მონაცემებით 205 მილიონი დოლარი გამოიმუშავა, რითაც ფილმს „წარმოუდგენელი ადამიანი-ობობა 2“ პირველი ადგილი ჩამოართვა. ამ უკანასკნელის შემოსავალი 197,6 მილიონი დოლარი იყო. რეიტინგის მესამე ადგილზე 191,3 მილიონი დოლარით „გოძილა“ გავიდა. შეგახსენებთ, რომ 2014 წლის აბსოლუტური ლიდერია ფილმი „პირველი შურისმაძიებელი 2: ზამთრის ჯარისკაცი“. მან სამშობლოში 256 მილიონი დოლარი, ხოლო მსოფლიო გაქირავებაში კი 710 მილიონი დოლარი გამოიმუშავა.

photos