მილა კუნისმა მომავალ მამებს მიმართა: თქვენ ორსულად არ ხართ!

მილა კუნისი ჯიმი კიმელის შოუში იყო. წამყვანმა ჰკითხა მსახიობს, მუშაობა მისთვის რთული ხომ არ არის, რადგან ის ორსულადაა. მსახიობმა უპასუხა, რომ ყველაფერი რიგზეა. ამის შემდეგ კიმელმა შენიშნა: „მე და ჩემი ცოლიც ორსულად ვართ, ჩვენ მალე შვილი გვეყოლება“. 30 წლის მილამ კი სარკაზმით ჰკითხა: „ა, თქვენ ორივეს ბავშვი გეყოლებათ. შენ და შენი ცოლი ორსულად ხართ?“ უცებ ის წამოდგა, აიღო მიკროფონი და განაცხადა: „გამარჯობა, მე მილა კუნისი ვარ და განსაკუთრებული შეტყობინება მაქვს მომავალი მამებისთვის. შეწყვიტეთ თქმა „ჩვენ ორსულად ვართ“. თქვენ არ ხართ ორსულად. ნუთუ თქვენ მოგიწევთ გამოიყვანოთ თქვენგან საზამთროს ზომის ადამიანი? არა. ნუთუ თქვენ ტირით მარტო მანქანაში სულელური სიმღერების ფონზე? არა. გეღვიძებათ და საჭირო ოთახში მირბიხართ იმის გამო, რომ ადამიანს ატარებთ? არა. თუ ასე გემართებათ ეს იმიტომ, რომ ზედმეტი ტეკილა დალიეთ. იცით, რამდენ ტეკილას ვსვამთ ჩვენ? საერთოდ არ ვსვამთ! რადგან არ შეგვიძლია ტეკილას დალევა, ჩვენ არაფრის დალევა არ შეგვიძლია! რადგან ჩვენს შიგნით პატარა საყვარელი გობლინი იზრდება. ასე, რომ თქვენ ორსულად არ ხართ! ჩვენ ვართ ორსულად!“.