ჯენიფერ ლოურენს მაილი საირუსის წინ გული აერია

Jennifer Lawrence-ის სახელი მხოლოდ როლებითა და ახალგაზრდულ ასაკში მიღებული ოსკარის გამო როდია ცნობილი – ყველამ კარგად იცის, რომ გოგონას სხვებისგან ორი განსაკუთრებული მახასიათებელი გამოარჩევს – პირველ რიგში, ის საოცრად მოუხელთებელი ქალბატონია – ოსკარის გადაცემის ცერემონიალზე უკვე ორჯერ წაიქცა – პირველად მაშინ, როდესაც ჯილდოს ასაღებად სცენის კიბეზე ადიოდა, აი მეორედ კი უკვე წელს, წითელ ხალიაჩაზე.

თუმცა, მისი მოუხერეხებელი მოძრაობები ნამდვილად ვერ მივა ქალის მეორე და ბევრად უარეს მახასიათებელთან – Lawrence ალკოჰოლურ სასმელებზე გიჟდება და ამას არც არასოდეს მალავს. აღიარებს როგორც მეგობრებთან ისე ჟურნალისტებთან ურთიერთობისას – მაგალთად ცოტა ხნის წინ, ოქროს გლობუსის გადაცემის ცერემონიალზე ქალი წითელ ხალიჩამდე მანქანით კი არ მიიყვანეს, მიიტანეს – Jennifer-მა პაპარაცების წინ პოზირებასა და ჟურალისტების კითხვებზე პასუხზე კატეგორიული უარი განაცხადა, მოგვიანებით კი სრულიად გულწრფელად აღიარა, ისეთი მთვრალი ვიყავი, პირში ენას ვერ ვაბრუნებდიო.
რამდენიმე კვირის წინ ვარსკვლავი ერთ-ერთ ტელეგადაცემას ეწვია და საკმაოდ სახიფათო გატაცების შესახებ ჭორაობა არც იქ მოუკლია – ქალმა ლამის სიამაყით განაცხადა, რომ ოსკარის აფთერ ფართიზე ბევრი სასმელი მოუვიდა, სწორედ მაშინ როცა მსახიობები და სხვა სელებრთები Madonna-ს სახლში, კიბეზე ადიოდნენ, ოსკაროსანი გოგონა ცუდად გახდა და გული პირდაპირ Miley Cyrus-ის წინ აერია.
“ზუსტად არ მახსოვს, რა მითხრა, მაგრამ მგონი მომაძახა, აბა გამოფხიზლდი გოგონაო“ – ყვება სიცილით ლამაზმანი. ვინ ვინ, მაგრამ Miley Jennifer-ს ზედმეტი სასმელის გამო ნამდვილად არ გაკიცხავდა, ახალგაზრდა შემსრულებელი ალკოჰოლსა და სხვადასხვა ფსიქოტრუპულ ნივთიერებებზე არც თავად ამბობს უარს, ასე რომ, ორმა ეთნაირმა ერთმანეთი Madonna-ს სახლის კიბეზე იპოვა.