“ფოლადის ადამიანის“ სიკველმა ოფიციალური სახელი მოიპოვა!

სტუდია Warner Bros. Pictures-მა წარმოადგინა „ფოლადის ადამიანის“ სიკველის სრული სახელწოდება. როგორც ოფიციალურ პრეს-რელიზზე იტყობინებიან, სურათს ერქმევა “Batman vs. Superman: Dawn of Justice” („ბეტმენი სუპერმენის წინააღმდეგ: სამართლიანობის განთიადი“).

როგორც ვხედავთ, სათაური შეიცავს არაორაზროვან მინიშნებას ფრენჩაიზიის განვითარების მომავალი მიმართულების შესახებ. ფილმში მონაწილეობას მიიღებენ ემი ადამსი, ჰენრი კავილი, ბენ აფლეკი , გალ გადოტი, კალენ მულვეი, ჯესი აიზენბერგი, დაიან ლეინი, ლოურენს ფიშბორნი, ჯერემი აირონსი, ჰოლი ჰანტერი და სხვა მსახიობები.

სურათის დამდგმელი ზაკ სნაიდერი იქნება. პრემიერა 2016 წლის 6 მაისს არის დანიშნული.