ჰიუ ჯეკმანს “შურისმაძიებლებთან” გაერთიანების იმედი აქვს

ჰიუ ჯეკმანს იმედი აქვს, რომ მისი გმირი “Wolverine” სხვა შურისმაძიებლებს შეუერთდება.

ამის შესახებ მან იქს-ადამიანების ახალი ეპიზოდის საპრემიერო კონფერენციაზე განაცხადა.

“სიამოვნებით ვიხილავდი Wolverine-ს სხვა შურისმაძიებლების გვერდით. ამ გუნდში არის როგორც ერთიანობა, ისე კონკურენციაც. ამიტომ, Wolverine ზუსტად ჩაჯდებოდა მასში, მისთვის ეს სახასიათოა”, – განაცხადა ჯეკმანმა.

მან ასევე დასძინა, რომ სავარაუდოდ, მისი გმირი ჰალკს შეერკინებოდა.

“ეს ორი პერსონაჟი სავსეა სიბრაზით, ამიტომ ყველაზე სავარაუდოა, რომ ბოლოს ისინი ერთმანეთს შეერკინონ. ეს საინტერესო იქნება, მიუხედავად იმისა, რომ ჩემი გმირი ფავორიტი არ იქნებოდა. თუმცა ბოლოს და ბოლოს იგი ხომ თვითგანკურნების ნიჭითაა დაჯილდოებული”, – განაცხადა მსახიობმა.

აღსანიშნავია, რომ კომიქსებში ამ ორი გმირის დუელი არაერთხელ შედგა.