რაიან რეინოლდსის ფილმი კანის კინოფესტივალზე ჩავარდა!

რა თქმა უნდა, კანის ფესტივალის წითელ ხალიჩაზე გავლა ყველა მსახიობისთვის დიდი პატივია. მაგრამ, სამწუხაროდ, ამ ღონისძიებაში მონაწილეობა ყოველთვის წარმატების საწინდარი არ არის.

ატომ ეგოიანის ფილმმა „The Captive“ , რომელშიც მთავარ როლს რაიან რეინოლდსი ასრულებს, მაყურებლის აღფრთოვანება ვერ გამოიწვია.

კანში ჩასულ მსახიობს, რა თქმა უნდა, იმედი ჰქონდა , რომ თავისი ახალი ნაშრომი წარმატებული იქნებოდა. მაგრამ სურათმა დარბაზში მხოლოდ უკმაყოფილო გადაჩურჩულება გამოიწვია. კრიტიკოსებმა მომენტალურად გააცამტვერეს პროექტი და ფილმს „სასაცილო თრილერი გატაცებაზე“ უწოდეს, ხოლო რეჟისორის შემოქმედება მონათლეს, როგორც „მისი წინა ნაშრომების „თვით“ პაროდია“.

გასაკვირი არ არის, რომ ასეთი შეფასების შემდეგ რაიან რეინოლდსი პრემიერაზე მიძღვნილ after-party-ზე არ გამოჩენილა. მან თავის ცოლთან, ბლეიკ ლაივლისთან, ერთად სასტუმროში განმარტოება არჩია. ინსაიდერების თქმით, „წყვილი სასტუმრო Martinez-ის რესტორნის ტერასაზე ღამის პირველი საათისთვის გამოჩნდა. რეინოლდსი შეშფოთებული ჩანდა და თავის მობილურ ტელეფონს უკირკიტებდა“. ბლეიკი ქმრის დამშვიდებას ცდილობდა, „ის ხელზე ეფერებოდა, თითქოს აწყნარებდა და ყურში რაღაცას ეჩურჩულებოდა, საბოლოოდ რაიანმა გაიღიმა და ცოლს ტუჩებში აკოცა“, - განაცხადა ერთ-ერთმა თვითმხილველმა.

photos