Kris და Bruce Jenner-ები ისევ ერთად არიან?!

მანამ, სანამ Kim Kardashian-ი თავისი ქორწილისთვის ემზადება, მისი ცნობილი დედიკო უკვე ქორწინების 23 წლის იუბილეს აღნიშნავს და აი აქ უკვე დავიბენით! Kris-ი და Bruce Jenner-ების წყვილმა გაყრის თაობაზე ოფიციალური განცხადება ხომ 7 თვის წინ გააკეთა... ჰოდა ვერაფრით გაგვიგია რას ნიშნავს Kardashian-ების თავქალის ინსტაგრამზე დადებული ფოტო შემდეგი წარწერით: "ჩვენ ეს შევძელით! WOW, 23 წელი. ვულოცავ იუბილეს საუკეთესო მამაკაცს, რომელსაც ოდესმე ვიცნობდი!"

აქ ჩვენთან ერთად ჰოლივუდური მედიაც დაიბნა. Kris-მა სოციალურ ქსელში Bruce-თან ერთად გადაღებული ფოტო დადო, მოგვიანებით კი საოჯახო პორტრეტიც ატვირთა, სადაც წლების წინანდელი Kardashian- Jenner-ების ოჯახი სრული შემადგენლობითაა წარმოდგენილი. მიუხედავად იმისა, რომ ყოფილ მეუღლეებსაც თამამად შეუძლიათ ერთმანეთისთვის ქორწინების თარიღის მილოცვა, არსებობს რამდენიმე ფაქტორი, რაც ეჭვის საბაბს იძლევა:

პირველი, Kris-მა მილოცვა საჯაროდ გააკეთა. მეორე - აღფრთოვანებით საუბრობს Bruce-ზე, როგორც თავის მეუღლეზე და მესამე - ბოლო პერიოდის განმავლობაში წყვილს ერთად ისევ ხშირად ნახულობენ. ან ვცდებით და ეს უბრალოდ მეგობრული ჟესტია, ან Kris-ი და Bruce-ი ისევ ერთმანეთისკენ მიილტვიან.

დედის პოსტს Kylie Jenner-იც გამოეხმაურა და საოჯახო ფოტოზე შემდეგი კომენტარი გააკეთა: ვულოცავ იუბილეს ჩემს ძვირფას დედიკოს და მამიკოს 23 წლის და ათი შვილის გაზრდის შემდეგ - წერს Kylie.

მოკლედ არც ისაა გამორიცხული, რომ Kris-მა ამ ჟესტით ოჯახის კვლავ გაერთიანების მცდელობა დაგვანახა, თუმცა ერთ რჩევას მივცემდით. ზედმეტად გასაჯაროებული ურთიერთობების გამო დანგრეული ოჯახი ისევ მედიის და ზედმეტი მაყურებლების თვალწინ რთული გასამთელებელი იქნება...