"ნოეს" ჩვენება "წარღვნის" გამო ჩაიშალა

ინგლისში, ქალაქ ექსეტერში, ფილმ "ნოეს" ჩვენება "წარღვნის" გამო ჩაიშალა. აღნიშნულის შესახებ ინფორმაციას ჟურნალი "Time" ავრცელებს

როგორც კინოთეატრ "Vue Cinema"-ს წარმომადგენლებმა განაცხადეს, აღნიშნულის მიზეზი ყინულის აპარატი გახდა, რომელიც მწყობრიდან გამოვიდა, რის გამოც შენობის ნაწილი დაიტბორა.

ჟურნალი "Time" აღნიშნულ ფაქტს ირონიული სტატიით გამოეხმაურა. "კინოთეატრის თანამშრომლებს არ დასჭირდათ კიდობნის აგება და მისი საშუალებით მაყურებლის დარბაზიდან გამოყვანა. "წარღვნა" დღის პირველ ნახევარში მოხდა, ამიტომაც ყველაფერი მხოლოდ სეანსის გაუქმებით მოგვარდა"- ნათქვამია საგაზეთო სტატიაში.

photos