Marvel ბეტმენსა და სუპერმენს პრემიერის თარიღს არ დაუთმობს!

Marvel არ აპირებს დაუთმოს პრემიერის თარიღი კონკურენტ სუპერგმირულ პროექტს, რომლის სამუშაო დასახელებაცაა 'ბეტმენი სუპერმენის წინააღმდეგ'. ამის შესახებ SlashFilm-თან ინტერვიუში განაცხადა კომპანიის უფროსმა კევინ ფეიჯმა.
'ჩვენ აუცილებლად დავიტოვებთ ამ თარიღს. რამდენიმე თვეში კი გამოვაცხადებთ რა ფილმის პრემიერა იქნება ეს'- განაცხადა ფეიჯმა.
შეგახსენებთ, რომ ცოტა ხნის წინ ფილმის 'ბეტმენი სუპერმენის წინააღმდეგ' პრემიერა, რომელიც 2015 წელს უნდა შემდგარიყო, 2016 წლის 6 მაისისთვის გადაიტანეს.
სწორედ ამ დღეს გეგავს სტუდია Marvel გამოუშვას ჯერჯერობით უსახელო პროექტი, რომელიც მის ერთ-ერთ სუპერგმირზე იქნება მიძღვნილი. სავსებით სავარაუდოა, რომ ლაპარაკი იყოს სურათზე, რომელშიც მთავარი გმირი დოქტორი სთრეინჯი იქნება.

photos