ოსკარების ცერემონიალზე შექმნილი "სელფშოტი" არ იყო იმპროვიზაცია
ელენ დეჯენერესისი მიერ ოსკარების ცერემონიალზე გადაღებული სელფშოტი, სადაც ბევრი ვარსკვლავი მოხვდა კადრში, სულაც არ იყო იმპროვიზაცია. ეს ყველაფერი მანამდე იყო დაგეგმილი, თუმცა სხვა ფორმით, განაცხადეს შოუს პროდიუსერებმა. მერილ სტრიპი გაფრთხილებული იყო, რომ შოუს პროცესში გახდებოდა რაღაცის მონაწილე, თუმცა რის, ეს მან არ იცოდა. ელენ დეჯენერესმაც არ იცოდა თუ ამდენი ვარსკვლავი წამოიმართებოდა სურათის გადასაღებად. გეგმით მას სურათი მხოლოდ მერილ სტრიპთან და ჯულია რობერტსთან ერთად უნდა გადაეღო. რაც შეეხება პიცას, ესეც არ იყო იმპროვიზაცია, წინასწარ იყო ყველაფერი გათვლილი, თუმცა პიცის გამოძახება მოხდა რეალურად, და პიცის მიმტანიც რეალური პიროვნება იყო, რომელმაც არ იცოდა თუ ვისთვის მიჰქონდა პიცა, ფედერალური ბიუროს თანამშრომლებმა იგი კულისებში გაჩხრიკეს უსაფრთხოების მიზნით. შეგახსენებთ, რომ ოსკარების წლევანდელმა ცერემონიალმა ყველანაირი რეკორდი მოხსნა ტრანსლაციებით, ხოლო აღნიშნულმა სელფშოტმა 'რეტვიტების' რეკორდი დაამყარა.
photos
