ვინ მოხვდა Johnny Depp-ისა და Amber Heard-ის ქორწილის სტუმართა სიაში?!
Johnny Depp-ი და Amber Heard-ი დიდ გაწამაწიაში არიან - წყვილი ქორწილის გეგმებს აწყოს. როგორც ცნობილია, ცერემონიალი Johnny-ს კუთვნილ კუნძულზე გაიმართება - ის ბაჰამის არქიპელაგზე მდებაროებს. ამჟამად წყვილი სტუმრების სიის შედგენითაა დაკავებული.
როგორ გოგონიათ, ვინ შეიძლება გამხდარიყო, ღონისძიებაზე მოწვეული მთავარი სტუმარი. სწორედ ამას ჰქვია ცივილიზებული ურთიერთობები - Amber-ის კატეგორიული მოთხოვნით - ეს Vanessa Paradis-ი იქნება, Johnny-ს ყოფილი ცოლი და მისი ორი შვილის დედა.
Heard-ი გიჟდება Vanessa-ზე, აღფრთოვანებულია მისი სტილითა და შემოქმედებით - წერენ დასავლ;ურ პრესაში, სხვათა შორის, ყოფილი ქმრის მომავალ მეუღლეზე მშვენიერი აზრისაა თავად Vanessa-ც. ქალი განსაკუთრებით იმითაა გახარებული, რომ მოდელმა და მსახიობმა მის ბავშვებთან, 14 წლის Lily-Rose-თან და 11 წლის Jack-თან ურთიერთობა ძალიან მარტივად დაამყარა. გოგონა ბავშვებთან ერთად რამდენიმე თვის წინ იაპონიასაც კი ეწვია - მსახიობის შვილები გიჟდებიან დედინაცვალზე.
მიუხედვად იმისა, რომ Vanessa და Johnny ს დაშორებას სწორედ Amber-ის გამოჩენას მიაწერენ, ფრანგმა ლამაზმანმა წყენა გულში აშკარად არ ჩიადო, ანდა, უარეს შემთხვევაში, Heard-ის მიმართ ძველ ბოღმას გულში ინახავს. ფაქტია, რომ ქალბატონები ამ დროისთვის მშვენივრად კონტაქტობენ და Amber-ის ლამაზ თავში ის იდეაც კი მოვიდა, რომ მისი ხელისმომკიდე სწორედ Paradis-ი იყოს - ეს კი მგონი უკვე მეტისმეტია... ყოველ შემთხვევაში, ძალიან საეჭვოა, “კარიბის ზღვის მეკობრეების” მთავარი გმირი ამ იდეით აღფრთოვანდეს.
Johnny Depp-თან განქორწინების შემდეგ Vanessa-მ გულახდილ ინტერვიუში განაცხადა, რომ ექსი მისი ცხოვრების სიყვარულია. მართალია მასთან განშორებამ დიდი სულიერი ტკივილი მიაყენა, თუმცა, ქალს სჯერა, ერომ მის ცხოვრებაში შესაფერისი მამაკაცი ისევ გამოჩნდება. “მირჩევნია მარტო ვიყო, ვიდრე, იმ ადამიანის გვერდით, რომელიც არ მიყვარს“ - ამბობს Paradis-ი.
ქალი ამჯამად მართლაც მარტოა. როგორც თავად ამბობს, დანგრეულ ოჯახზე დარდს შეეშვა და ახალი ცხოვრება დაიწყო. ამის აღსანიშნავად კი ალბომიც ჩაწერა და საზოგადოებაში გამოჩენაც უფრო გაახშირა. რაც შეეხება ყოფილი ქმრის ქორწილზე დასწრებას - საინტერესოა, ძველი წყენის დავიწყების ნიშნად მართლაც წავა თუ არა ფრანგი ქალბატონი ხელის მოწერის ცერემონიალზე.