"დიდი გამყინვარება 5"-ის პრემიერის თარიღი გამოცხადდა!

კინოსტუდია 20th Century Fox-მა მულტფილმის "დიდი გამყინვარება 5" პრემიერის თარიღი გამოაცხადა. როგორც ოფიციალურ პრეს-რელიზზე იტყობინებიან, სტუდია Blue Sky-თან ერთად გაკეთებული საერთო პროექტი მაყურებლის წინაშე 2016 წლის 15 ივლისს გამოვა. ამ პერიოდში მულტფილმის ერთადერთ კონკურენტი სტუდია Marvel-ის ჯერჯერობით უსახელო ფილმი იქნება, რომელიც გაქირავებაში ერთი კვირით ადრე გამოდის.
შეგახსენებთ, რომ "დიდი გამყინვარების" მეოთხე ნაწილი 2012 წელს გამოვიდა. პროექტი, რომლის ბიუჯეტიც 95 მილიონ დოლარს შეადგენდა, მსოფლიო გაქირავებაში დაახლოებით 900 მილიონი დოლარი გამოიმუშავა და ამით მაყურებლის დიდი ინტერესის არსებობა დაადასტურა მენის, სიდის, დიეგოსა და მათი მეგობრების თავგადასავლის გაგრძელების მიმართ.

photos