"გრავიტაციის" შემოსავალმა 500 მილიონს დოლარს გადააჭარბა

ფილმ 'გრავიტაციის' შემოსავალმა მსოფლიო მასშტაბით 500 მილიონ დოლარს გადააჭარბა. ამის შესახებ გვატყობინებს გამომცემლობა 'The Hollywood Reporter'. შიდა ჩვენებებში ფილმმა 240 მილიონი გამოიმუშავა, ხოლო საერთაშორისო გაყიდვებში - 274 მილიონი დოლარი. აქედან, ჩრდილოეთ ამერიკის საზღვრებს გარეთ ყველაზე მეტი თანხმა საფრანგეთიდან, სამხრეთ კორეიდან და დიდი ბრიტანეთიდან შემოვიდა. აღსანიშნავია, რომ იაპონურ და ჩინურ ბაზრებზე ჯერ პროექტის რეალიზაცია არ მომხდარა. ამიტომაც, ფილმის საბოლოო შემოსავალმა შეიძლება 600 მილიონ დოლარსაც გადააჭარბოს.
ფილმის რეჟისორია ალფონსო კუარონი, ხოლო მთავარი როლები სანდრა ბალოკმა და ჯორჯ კლუნიმ შეასრულეს.

photos