რობერტ პატინსონი ახალ ფილმში ბენედიქტ ქამბერბეტჩთან ერთად ითამაშებს

რობერტ პატინსონი ფილმის 'დაკარგული ქალაქი Z' სამსახიობო ჯგუფს შეუართდა, სადაც მთავარ როლს ბენედიქტ ქამბერბეტჩი შეასრულებს. ამის შესახებ გვატყობინებს გამომცემლობა The Playlist. ფილმი დაფუძნებულია დევიდ გრანის იმავე სახელწოდების ნაწარმოებზე და მოგვითხრობს ბრიტანელი არქეოლოგისა და მოგზაურის პერსი ფოსეტის რეალურ ისტორიას, რომელიც მრავალი წლის მანძილზე ეძებდა სამხრეთამერიკულ ჯუნგლებში უძველესი ცივილიზაციების დაკარგულ ქალაქებს. შეგროვებული მონაცემების საფუძველზე ფოსეტმა დაასკვნა, რომ ბრაზილიის გამოუკვლეველ ადგილებში არსებობს საიდუმლო ქალაქი Z, რომელიც ატლანტების მიერ იყო დაარსებული. ფოსეტი თავის ვაჟთან, ჯეკთან და მეგობართან ერთად 1925 წლის მაისში მის საძებნელად გაემართა, ამის შემდეგ კი მათ შესახებ არავის არაფერი სმენია. ჯერჯერობით არ ზუსტდება, თუ კონკრეტულად რომელ როლს შეასრულებს პატინსონი. ფილმის ერთ-ერთი პროდიუსერი ბრედ პიტი იქნება

photos