"ენდერის თამაში" კინოგაქიურავების ლიდერია

ამერიკული კინოგაქირავების ლიდერი, განვლილი უქმეების მიხედვით, გევინ ჰუდის ფილმი, 'ენდერის თამაში', გახდა. ფილმმა შემქმნელებს 28 მილიონი დოლარი უკვე მოუტანა. ა.შ.შ-ს საზღვრებს გარეთ ფილმის მოგებამ 9 მილიონი დოლარი შედგინა. ფილმის ბიუჯეტი 110 მილიონი დოლარი გახლავთ.
ჰუდის ფილმი დაფუძნებულია ორსონ სკოტ კარდის იმავე სახელწოდების რომანზე, რომელიც 1985 წელს გამოქვეყნდა. მოქმედება მომავალში ვითარდება. სიუჟეტის ცენტრში დედამიწელებისა და უცხოპლანეტური რასის წარმომადგენელებს შორის ბრძოლაა. ომში მონაწილეობას იღებენ სპეციალურად ამ საქმისთვის გაწვრთნილი მოზარდები. ერთ-ერთი ასეთი კურსანტი გახლავთ ენდრიუ 'ენდერ' ვიგინი. მის როლს ფილმში ასა ბატერფილდი ასრულებს. მსახიობს მაყურებელი კარგად იცნობს მარტინ სკორსეზეს 'ოსკაროსნი' ფილმიდან 'ჰუგო'. კინოსურათში ასევე მონაწილეობას იღებენ: ჰარისონ ფორდი, ბენ კინგსლი, ვიოლა დევისი, ჰეილი სტაინფელდი და აბიგაელ ბრესლინი.

photos