აიზენბერგი "Modern Family"-ში ითამაშებს

ჯესი აიზენბერგი ეპიზოდურ როლს შეასრულებს კომედიურ ტელესერიალში, 'Modern Family'. აღნიშნულის შესახებ ინფორმაციას ავრცელებს რესურსი Entertainment Weekly.
აიზენბერგის მონაწილეობით სერიის სახელწოდება იქნება 'Under Preasure'. აღნიშნული ეპიზოდის გადაღებები ნოემბრის პირველ ნახევარში დაიწყება, მაყურებელი კი მას ეკრანებზე 2014 წლის დასაწყისისთვის იხილავს.
'Modern Family' ტელეეკრანებზე 2009 წლიდან გადის. ამჟამად სერილის მეხუთე სეზონია ეთერში. 2012 წელს აღნიშნულ პროექტს 'ოქროს გლობუსი' გადაეცა ნომინაციაში ' საუკეთესო კომედიური/მუსიკალური ტელესერიალი.
ჯესი აიზენბერგი მაყურებელისთვის ცნობილი გახდა დევიდ ფინჩერის ფილმის 'სოციალური ქსელის' წყალობით. მსახიობმა Facebook-ის დამაარსებელი, მარკ ცუკერბერგი, განასახიერა. აღნიშნული როლის გამო აიზენბერგი ნომინირებული იყო 'ოსკარზე' და 'ოქროს გლობუსზე', თუმცა ორივე შემთხვევაში იგი კოლინ ფერტთან დამარცხდა.

photos