'Warcraft'-ის სამსახიობო შემადგენლობა

2015 წლის დეკემბრამდე ჯერ დიდი დროა, თუმცა რეჟისორმა, დანკან ჯონსმა ფილმის, 'Warcraft', პრე-პროდაქშენი უკვე დაიწყო. ფილმში მონაწილეობის შესახებ შეთავაზებები უკვე მიიღეს კოლინ ფარელმა, პოლა პატონმა, ენსონ მაუნტმა, პოლ დეინომ და ანტონ ელჩინმა. ფილმში მონაწილეობა შეიძლება მიიღოს ასევე ტრევის ფიმელმა. მსახიობს მაყურებელი კარგად იცნობს სერიალიდან 'ვიკინგები'. აღნიშნულმა პროექტმა პირველი სეზონის შემდეგ კრიტისკოსების მაღალი შეფასება მიიღო. როგორც რესურსი Variety იუწყება, მსახიობი ერთ-ერთი წამყვან როლს მოირგებს. თუმცა, არ ზუსტდება იგი კოლინ ფარელთან ერთად ითამაშებს, თუ მას ჩაანაცვლებს.
შეგახსენებთ, რომ დანკან ჯონსი ფილმს ჩარლზ ლევიტის სცენარით გადაიღებს. ზუსტი პასუხი ფილმის სამსახიობო შემადგენლობის შესახებ გადაღებების დაწყების მოახლოებასთან ერთად გახდება ცნობილი.

photos