დამტკიცდა ფრედი მერკურის როლის შემსრულებელი

33 წლის ბრიტანელი მსახიობი, ბენ უიშოუ, ფრედი მერკურის როლს შეასრულებს.
2005 წელს უიშოუმ არანაკლებ ცნობილი მუსიკოსი, The Rolling Stones-ის გიტარისტი, კიტ რიჩარდსი განასახიერა ეკრანზე. ამგვარად, მსგავსი მუშაობის გამოცდილება მსაიობს ნამდვილად აქვს. მას ასევე მონაწილეობა აქვს მიღებული ისეთ ფილმებში, როგორიცაა 'პარფიუმერი' და 'აგენტი 007- ოპერაცია სქაიფოლი'
მანამდე კონტრაქტი საშა ბარონ კოენთან იყო გაფორმებული, თუმცა ხელშეკრულება ჩაიშალა. ამის მიზეზი კომიკოსის ხედვა გახლდათ აღნიშნულ პროექტზე. მას ირონიული კუთხით უნდოდა წარმოეჩინა მუსიკოსი და ყურადღება გაემახვილებინა მერკურის ცხოვრების მავნე სტილსა და ჩვევებზე. ამ ყოველივეს, რათქმაუნდა, ფრედი მერკურის მეგობრების მკაცრი პროტესტი მოყვა.
ლეგენდარული მუსიკოსის როლის მოსაპოვებლად ჰარი პოტერის როლის შემსრულებელი, დენიელ რედკლიფიც იბრძოდა, თუმცა საბოლოო ჯამში, უშედეგოდ.

photos