"თორი 2"-ს შთამბეჭდავ სტარტს უწინასწარმეტყველებენ

წინასწარ გაყიდული ბილეთების რაოდენობაზე დაყრდნობით 'თორი 2'-ის შემქმნელები ვარაუდობენ შთამბეჭდავ საპრემიერო შემოსავლებს. The Hollywood Reporter-ის მტკიცებით ფილმს ექნება 75 მილიონ დოლარამდე შემოსავალი, რაც საგრძნობლად მეტია ფილმის პირველი ნაწილის საპრემიერო შემოსავლებზე. შეგახსენებთ, რომ თორის პირველმა ნაწილმა პირველ კვირაში 65,7 მილიონი დოლარი გამოიმუშავა, ხოლო საბოლოოდ მსოფლიო დონეზე მისმა შემოსავალმა 449 მილიონს მიაღწია. ასევე შეგახსენებთ, რომ ნოემბრის საპრემიერო შემოსავლებში რეკორდი 'ბინდი: ახალი მთვარე'-ს ეკუთვნის, რომელმაც 2009 წელს 142 მილიონი გამოიმუშავა. თორის გაგრძელების პრემიერა 7 ნოემბერს გაიმართება. ფილმში მონაწილეობენ კრის ჰემსვორტი, ტომ ჰიდლსტონი, ნატალი პორტმანი და სხვა ვარსკვლავები.

photos