ნიკოლას კეიჯი მსოფლიოს საუკეთესო მსახიობად დაასახელეს

ნიკოლას ქეიჯმა მიიღო ჩინური კინოპრემია Huading Award-ი ნომინაციაში "მსოფლიოს საუკეთესო მსახიობი".ამის შესახებ ინფორმაციას ავრცელებს სააგენტო "სინ ხუა".
სააგენტოს მიერ გავრცელებულ სტატიაში ნათქვამია, რომ ქეიჯი პირადად ესწრებოდა დაჯილდოების ცერემონიალს, რომელიც გაიმართა მაკაოში (ჩინეთში შემავალი ავტონომიური რაიონი). როგორც გამოცემა "The Huffington Post"-ი აზუსტებს, მსახიობი ამჟამად მუშაობს ჰონკონგში ფილმზე "გარიყული" ('Outcast'). მან აღნიშნა, რომ ჩინეთში თავს საკმაოდ კომფორტულად გრძნობს და მაღალ დონეზე შეაფასა ადგილობრივი კონემატოგრაფისტების პროფესიონალიზმი.
ქეიჯთან ერთად სხვადასხვა ჯილდო მიიღეს მსახიობებმა ნიკოლ ქიდმანმა, როგორც მსოფლიოს საუკეთესო ქალმა მსახიობმა და ქვენთინ ტარანტინომ, როგორც მსოფლიოს საუკეთესო რეჟისორმა. მსოფლიოს საუკეთესო მომღერლად დასახელდა ავრილ ლავინი, ხოლო კინემატოგრაფში შეტანილი წვლილისთვის დაჯილდოვდა ჯერემი აირონსი.
ასევე გამოავლინეს სერიალებში მონაწილე საუკეთესო მამაკაცი და ქალი მსახიობი. ესენი არიან მეთიუ პერი სერიალიდან "მეგობრები" და მიშელ დოკერი სერიალიდან "დაუნტონების სააბატო".

photos