სერიალი "S.H.I.E.L.D.-ის აგენტები" რეკორდით დაიწყო!

ახალმა სერიალმა " S.H.I.E.L.D.-ის აგენტები" ,უკანასკნელი 4 წლის განმავლობაში, დრამატული სერიალების დებიუტებს შორის ყველაზე დიდი რეიტინგი აჩვენა. ეს განცხადება ეკუთვნის ტელეარხ ABC-ს, რომელიც სერიალის დემონსტრირებას ახდენს.
სერიალის,რომელიც Marvel-ის კომიქსების მიხედვითაა გადაღებული, საპრემიერო ეპიზოდმა 12,2 მილიონი ტელემაყურებლის ყურადღება მიიქცია სამშაბათ ღამეს, 24 სექტემბერს.
სერიალებს შორის "S.H.I.E.L.D.-ის აგენტები" ერთ-ერთია რომელსაც,ამ შემოდგომაზე 18 დან 49 წლის ჩათვლით მაყურებლები ყველაზე მეტად ელოდებიან. მისი პროდუსერები დაიმედებულნი არიან, რომ სატელევიზიო პროექტი ისეთივე პოპულარული გახდება, როგორც სრულმეტრაჟიანი ფრენჩაიზიები. სერიალის საპილოტო სერია "შურისმაძიებლების" სცენარისტმა და რეჟისორმა ჯოს უიდონმა გადაიღო.