ჰარეთ ჰედლუნდი ანჯელინა ჯოლის ახალ ფილმში

ჰარეთ ჰედლუნდი მონაწილეობას მიიღებს ანჯელინა ჯოლის ახალ ფილმში 'გაუტეხელი'. შეგახსენებთ, რომ ჯოლი ფილმში მოგვითხრობს ოლიმპიელი ლუი ზამპერინის ისტორიას, რომელიც მეორე მსოფლიო ომის დროს იაპონელებს ჩაუვარდა ტყვედ. მან გაუძლო სასტიკ პირობებს და მოახერხა გაქცევა.
ჰედლუნდს წილად ხვდა მეთაურ ჯონ ფიცჯერალდის როლი, რომელიც ზამპერინისთან ერთად იჯდა ციხეში. მთავარი გმირის როლის შემსრულებლის ვინაობა ჯერ უცნობია. გავრცელებული ხმების მიხედვით მთავარი კანდიდატი 23 წლის ჯეკ ოკონელია.
ფილმის გადაღებები ლორი ჰილენბრანდის წიგნის მიხედვით განხორციელდება და დაიწყება მიმდინარე წლის ოქტომბერში, ავსტრალიაში.
კინოგაქირავებაში სურათი უნდა ჩაეშვას 2014 წლის დეკემბრიდან.

photos